ABŞ-da avqustun 1-i açıqlanan zəif məşğulluq göstəricilərindən sonra yaranan pessimizm yeni həftənin əvvəlində zəifləyib. “S&P 500” və “Nasdaq 100” indekslərinin fyuçersləri təxminən 0,4 faiz qalxıb, Asiya-Sakit Okean regionunda isə texnologiya sektorunun dəstəyi ilə yüksəliş müşahidə olunur. “Hong Kong Hang Seng” indeksi 1 faiz artaraq texnoloji sektor yeddi günlük eniş seriyasını sonlandırıb.
ABŞ istiqraz bazarında həftə sonu başlayan yüksəliş bu səhər bir qədər zəifləyib. 10 illik ABŞ istiqrazlarının gəliri Asiya ticarətində 3 baz punkt artaraq 4,24%-ə çatıb. “Bloomberg Dollar indeksi” isə cümə günündən sonra bir qədər zəifləməyi davam etdirir.
Eyni zamanda, Səudiyyə Ərəbistanı və müttəfiqləri qeyri-müəyyən qlobal iqtisadi şəraitdə təəccüblü addım ataraq 2023-cü ildə tətbiq etdikləri böyük miqyaslı neft istehsal azaldılmasını sonlandıraraq, gündəlik 547 min barel istehsal artırmaq qərarına gəliblər. Bu, yanacaq qiymətlərinə təzyiqi azaldacaq və ABŞ Prezidenti Donald Trampın daha ucuz yanacaq istəyinə dəstək olacaq. OPEC+ hələ də təxirə salınmış gündəlik 1,66 milyon barel əlavə təchizatın taleyi barədə açıqlama verməyib. “RBC Capital Markets”dən Helima Kroft bildirib ki, OPEC+ gələcəkdə bu ehtiyatları bazara qaytara, artımları dayandıra və ya qərarlarını geri götürə bilər.
çap et