İspaniya “F-35” təyyarələri alma planını ləğv edib, müdafiə büdcəsinin əsas hissəsini Avropada xərcləmək qərarına gəlib.
Madrid hökuməti “Lockheed Martin” şirkəti istehsalı olan “F-35”lər üçün 6,25 milyard avro ayırmışdı. Lakin ümumi 10,5 milyard avroluq əlavə müdafiə vəsaitinin Avropa ölkələrinə sərf olunması ABŞ-dən döyüş təyyarələrinin alınmasını qeyri-mümkün edib.
İspaniyanın Sosialist Baş naziri Pedro Sançez bu il müdafiə xərclərini “Şimali Atlantika Müqaviləsi Təşkilatı”nın (NATO) ÜDM-in 2%-i hədəfinə uyğun artırmaq istəsə də, iyun ayında keçirilən NATO zirvəsində bu rəqəmi 5%-ə qaldırmaqdan imtina edib.
Sançezin bu mövqeyi ABŞ Prezidenti “Donald Trump” tərəfindən sərt tənqid olunaraq, əlavə gömrük rüsumları ilə təhdid edilib.
çap et