Minneapolis Federal Ehtiyat Bankının rəhbəri Nil Kaşkari ilin sonuna qədər iki dəfə dörddəbir faiz bəndi həcmində faiz endiriminin məntiqli göründüyünü bildirib.
Kaşkari CNBC-yə verdiyi açıqlamada, gömrük tariflərinin inflyasiyanı artırmağa davam edib-etməyəcəyinin hələ də qeyri-müəyyən olduğunu, lakin ABŞ iqtisadiyyatında müşahidə olunan yavaşlamanın FED-in qısa müddətdə faiz endiriminə getməsinə səbəb ola biləcəyini deyib.
“İqtisadiyyatda durğunluq var və bu da yaxın dövrdə monetar tənzimləməyə başlanmasının məntiqli ola biləcəyini göstərir”, – deyə Kaşkari bildirib.
O, ilin sonuna qədər iki dəfə 0,25 faiz bəndi həcmində faiz endiriminin yerində addım olacağını vurğulayıb.
FED ardıcıl 5 iclasda faizləri dəyişməyib
ABŞ Mərkəzi Bankı (FED) iyul toplantısında gömrük rüsumlarına dair qeyri-müəyyənlik səbəbilə gözləntilərə uyğun olaraq faiz dərəcələrinə toxunmayıb. İclasdan sonra danışan FED rəhbəri Cerom Pauell, hazırkı monetar siyasət mövqeyinin mümkün risklərə çevik cavab vermək baxımından uyğun səviyyədə olduğunu qeyd etmişdi.
çap et