ABŞ dollarında ucuzlaşma gözləyən investorlar, Avstraliya dolları və avro kimi valyutalara yönəlir.
Avstraliya dolları, Avstraliya Mərkəzi Bankının “ehtiyatlı və mərhələli” yumşaldıcı siyasəti və risk qavrayışının yaxşılaşmasından dəstək alır.
Avronun cəlbediciliyi isə regional müdafiə xərclərinin artmasının avro bölgəsi iqtisadiyyatını dəstəkləyəcəyi gözləntiləri və Avropa Mərkəzi Bankının daha sərt mövqe sərgiləməsi ilə yüksəlib.
ABŞ-da açıqlanan iyul ayı qeyri-kənd təsərrüfatı məşğulluq göstəricisinin gözləntilərin altında qalması da dollar üzərindəki təzyiqi artırdı.
“Standard Chartered Bank”ın Qlobal Valyuta Opsionları rəhbəri Saurabh Tandona görə, məşğulluq göstəricilərinin açıqlanmasından sonra avro/dollar və Avstraliya dolları/ABŞ dolları alım seçimlərinə “böyük maraq” olub.
Tandon, bazarın hazırda bu həftə açıqlanacaq ABŞ inflyasiya göstəricilərinə və FED-in yaxınlaşan “Jackson Hole” simpoziumuna fokuslandığını bildirib.
Avstraliya dolları və avro alım opsionlarına artan tələbat, ABŞ dollarının daha da zəifləyəcəyinə dair gözləntilərin artdığını göstərir, eyni zamanda investorların mövqe seçimində daha seçici davrandığını işarə edir.
çap et