“Bank of America” (BofA) hesab edir ki, son məşğulluq hesabatından sonra ABŞ Mərkəzi Bankı (FED) növbəti FOMC iclasının sonunda faiz endirimi qərarını təxirə salmaq istəyə bilər.
İqtisadçı Klaudio İriqoyen dünən verdiyi açıqlamada bildirib: “Faiz endirimi istəyən FOMC üzvlərinin əmək bazarında təklif şokuna, yaxud inflyasiyanın hədəfin üzərində qalmasına, son gömrük rüsumu artımlarından sonra daha böyük və davamlı bir şok riski yaranmasına yetərincə önəm vermədiyini düşünürük. Sentyabrda endirim etmək, inflyasiyanın zirvəyə çatdığını göstərən sübut olmadan yumşalma dövrünü başlatmaq riski daşıyır”.
İriqoyen həmçinin FED-in bu il faiz endirimlərinə gedəcəyini hələ də gözləmədiyini vurğulayıb.
çap et