ABŞ-da fəaliyyət göstərən beynəlxalq investisiya bankı “Goldman Sachs” (GS) yayımladığı yeni analizdə bildirilib ki, ABŞ iqtisadiyyatının indiki performans səviyyəsi artıq dolların yüksək qiymətini dəstəkləmir. Banka görə, yaxın gələcəkdə dollar qlobal bazarlarda dəyər itirə bilər. Bu proqnoz iqtisadi genişlənmənin zəifləməsi və işçi bazarında boşluqların artması kimi əsas dinamikalara əsaslanır.
Analizdə xüsusilə bu həftə keçiriləcək “Jackson Hole” iqtisadi siyasət simpoziumuna diqqət çəkilib. Bildirilib ki, ABŞ Mərkəzi Bankı (FED) rəsmilərindən keçən ilə bənzər ehtiyatlı açıqlamalar gələ bilər, lakin həlledici siyasət siqnalları gözlənilməməlidir. Mərkəz bankı rəsmilərinin bəyanatları faiz endirimlərinə qapı açsa da, konkret istiqamət vermə ehtimalının az olduğu vurğulandı.
***
Bu arada qızıl qiymətləri Asiya əməliyyatlarında bir qədər aşağı səviyyədən alım görsə də, investorları ciddi yüksəliş gözləntisinə yönəldə biləcək aydın siqnallar vermədi. Həftəyə başlayarkən iki həftənin ən aşağı səviyyəsini test edən qiymətli metal, xüsusilə FED faiz endiriminə dair gözləntilərdəki yumşalma səbəbindən təzyiq altında qaldı. Faiz gəliri olmayan qızıl, faizlər azaldıqda daha cazibədar olur, lakin mövcud qeyri-müəyyənlik bu təsiri məhdudlaşdırır.
Sentyabr ayı ərzində FED-in faiz endirimlərinə davam edəcəyi barədə düşüncələr bəzən bazarda dəstək tapdı, lakin mərkəz bankının daha aqressiv pul siyasətini davam etdirmə ehtimalı yenidən gündəmə gəlməsi ilə dollar güc qazandı. Güclü dollar qızılın alternativ olaraq cazibəsini azaldır, Rusiya-Ukrayna müharibəsi ilə bağlı artan barış ümidləri isə təhlükəsiz liman tələbində zəifləməyə səbəb oldu. Bu hallar altının yuxarı yönlü hərəkətini məhdudlaşdıran əsas amillər arasında yer aldı.
çap et