ABŞ Prezidenti Donald Tramp, Ağ Evdə Ukrayna Prezidenti Vladimir Zelenski və Avropa liderləri ilə görüşündən sonra dünən yeni açıqlama verib.
Tramp, Zelenski və Rusiya Prezidenti Vladimir Putinin öz işlərini yaxşı gördüyünü bildirib. O, Zelenskinin müharibənin sona çatması üçün bir az elastiklik göstərməli olduğunu vurğulayıb.
“Qarşıdakı həftələrdə Putini anlayacağıq”, – deyən Tramp qeyd edib ki, “Putinin anlaşma istəməməsi mümkündür.”
ABŞ qoşunlarının Ukraynada xidmət etməsi barədə suala cavabında Tramp: “Sizə təminat verirəm” – deyə bildirib.
ABŞ Prezidenti əlavə edib ki, Fransa, Almaniya və Böyük Britaniya Ukraynanın təhlükəsizlik zəmanəti çərçivəsində əraziyə qoşun göndərmək istəyir. O, həmçinin Kiyevin NATO-ya üzv olmayacağını vurğulayıb.
Tramp sözlərinə belə davam edib: “Bir növ təhlükəsizlik olacaq, NATO ola bilməz. Mən həmişə Ukraynanı Rusiya və Avropa arasında bir bufer (tampon) hesab etmişəm”.
Avropa liderlərinin qarşısında Putinlə danışmadığını deyən Tramp əlavə edib: “Putinlə isti münasibətlər qurmaq yaxşıdır. Mən zaman itirmək istəmirəm, sadəcə müharibəni sona çatdırmaq istəyirəm”.
çap et