Koreya Müharibəsi zamanı əsir düşən və Cənubi Koreyada onlarca illik həbs həyatından sonra 95 yaşına çatan Ahn Hak-sopun tək bir arzusu var: Şimali Koreyaya dönmək və ömrünü həsr etdiyi ideologiyanın torpağında dəfn olunmaq.
Koreya müharibəsi zamanı əsir düşən keçmiş əsgər Ahn Hak-sop, gənc yaşında Şimali Koreya ordusuna qoşulmuş və müharibə zamanı tutulmuşdu.
Cənubi Koreya əsir düşmüş əsgərlərə Şimali Koreyanı rədd etmələri halında azadlıq imkanı vermişdi. Lakin Ahn, inamlarından vaz keçmədi və 42 ildən çox həbsdə qaldı. İşgəncələrə, ailəsinin göz yaşlarına baxmayaraq qərarını dəyişmədi.
1995-ci ildə azad buraxıldığında isə bunu “kiçik bir həbsdən böyük bir həbsə keçid” kimi qiymətləndirdi.
Bu gün ağır xəstə və şikəst olan Ahn Şimali Koreya sərhədinə bir neçə kilometr yaxınlıqda yerləşən sadə evində yaşayır.
Divarlarını Şimali Koreya posterləri bəzəyir, qapısını isə ABŞ bayrağı tutub.
“Əsir kimi dəfn olunmaq böyük bir utanc olar”, – deyən Ahn, Şimali Koreyaya keçib orada ölüb və ölkəsinin torpağında dəfn olunmaq istəyir.
***
Avqustun 12-də Ahn son dəfə şansını sınadı. Təkərli arabası ilə dünyanın ən çox qorunan hərbi bölgələrindən biri olan Koreya yarimadasındakı hərbi zona yaxınlaşdı və sərhədi keçmək üçün icazə istədi.
Lakin Cənubi Koreya rəsmiləri, milli təhlükəsizlik qanunları və Pxenyan ilə əlaqə olmamasını əsas gətirərək keçidinə icazə vermədi.
Ahn Şimali Koreya bayrağını tutaraq dedi: “Şimal üçün darıxıram, dözülməz bir həsrət var. Azad torpaqda dəfn olunmaq istəyirəm”.
Bu gün Cənubi Koreyada Ahn kimi Şimala dönmək istəyən yalnız altı “uzun müddət həbsdə qalmış və inancından vaz keçməmiş” keçmiş məhkum qalıb.
Seul rəhbərliyi insani səbəblərlə variantları qiymətləndirdiklərini açıqlasa da, Şimali Koreya ilə əlaqənin kəsilməsi bu prosesi mümkünsüz edir.
çap et