Fransada motorlu nəqliyyat vasitəsi istifadə edənlər mütləq aidiyyəti kateqoriyada sürücü vəsiqəsinə malik olmalıdır. Sürücülük vəsiqəsi olmayan və ya fərqli sinif avtomobillə yolda saxlanılan sürücülər qanunlara görə cinayət törətmiş sayılır. Bu halda tətbiq olunan standart cəza 800 Avro olaraq müəyyənləşdirilib.
***
Cəza miqdarı erkən ödəniş edənlər üçün azaldıla bilər. Polis yoxlamasında və ya cəzanın bildirilməsindən sonrakı ilk 15 gün ərzində ödəniş edən sürücülər üçün cəza 640 Avroya endirilir. Lakin bu müddət aşılarsa cəzalar artır.
45 gün ərzində ödəniş edilməzsə cəza iki dəfə artırılaraq 1.600 Avroya qədər yüksəlir. Ödəniş etməyən sürücülər üçün isə Fransa Xəzinəsi tərəfindən icra prosesi başlanır.
Sürücülər cəzalarını internetdən, telefonla, razılaşdırılmış məntəqələrdən və ya birbaşa vergi idarələrindən ödəyə bilərlər. Cəza bildirişindən sonra 45 gün ərzində etiraz etmək hüququ var. Lakin ödəniş edildikdə etiraz hüququ aradan qalxır.
Maddi sıxıntısı olanlar hissə-hissə ödəmə və ya qismən güzəşt tələb edə bilərlər. Səbəblər sənədlə sübut edilərsə borcun əlavə müddət və ya endirimlə ödənməsi mümkündür.
çap et