“Bloomberg“in məlumatına görə, Avropa liderləri Rusiya yenidən hücum edərsə, müttəfiqlərin 24 saat ərzində Ukraynaya hərbi dəstək verib-verməyəcəklərini müəyyənləşdirəcək bir təhlükəsizlik zəmanətini müzakirə edirlər.
İtaliya Baş naziri Corciya Meloninin dəstəklədiyi bu təklif, NATO üzvlüyü olmadan kollektiv müdafiə maddəsini xatırladır. Bu müzakirə Prezident Donald Trampın müharibədən zərər görmüş ölkəyə təhlükəsizlik zəmanətlərini dəstəkləməyi qəbul etməsindən sonra Avropa liderlərinin təşəbbüsə sürət qazandırması məqsədi daşıyır.
İtalyan planı Ukraynanın NATO üzvlüyünün hazırda mümkün olmadığını qəbul edir. Lakin alternativ seçim olaraq kollektiv yardım üçün mexanizm təklif etməyi hədəfləyir.
Bu yüngül NATO seçimi, NATO müqaviləsinin 5-ci maddəsinin tam qorumasına bərabər olmayacaq. Bununla belə, Ukrayna ilə ikitərəfli razılaşmaları olan ölkələr hücum baş verərsə cavab tədbirlərini sürətlə müzakirə etməli olacaqlar.
Cavab variantları arasında Kiyevə sürətli müdafiə dəstəyi göstərmək, iqtisadi yardım, Ukrayna ordusunu gücləndirmək və Rusiyaya sanksiyalar tətbiq etmək yer alır.
Planın Avropa ölkələrinin Ukraynaya əsgər göndərməsini əhatə edib-etməyəcəyi hələlik dəqiqləşməyib.
çap et