Dünyanın ən yaşlı insanı titulunu daşıyan britaniyalı Etel Katerham (Ethel Caterham) 116 yaşına çatıb. Braziliyalı rahibə İnah Kanabarro Lukasın bu ilin aprelində 116 yaşında vəfat etməsinin ardından bu unvan Katerhama keçib.
Sörrey (Surrey) bölgəsindəki qayğıevində yaşayan Katerhamın ad günü ailəsi ilə birlikdə qeyd olunub.
“Yeganə istisna Kral III Çarlz ola bilər”
Qayğıevi bildirib ki, “Etel və ailəsi bu il 116-cı doğum gününü qeyd edərkən göstərilən maraq və səmimi mesajlar üçün minnətdardır”. Qeyd olunub ki, Katerham müsahibə verməyəcək, yalnız Kral III Çarlz istisna ola bilər.
Katerham 21 avqust 1909-cu ildə, I Dünya müharibəsindən beş il əvvəl İngiltərənin Şipton Bellinger (Shipton Bellinger) kəndində dünyaya gəlib.
“Ginnes Rekordlar Kitabı”na görə, tarixdə ən yaşlı insan 1997-ci ildə 122 yaş 164 günlük olarkən vəfat edən fransız Jan Kalman (Jeanne Calment) olub.
Katerham uzunömürlülük sirrini isə belə açıqlamışdı: “Heç kimlə əsla mübahisə etmirəm! Dinləyirəm və canım nə istəyirsə, onu edirəm”.
çap et