Federal Ehtiyat Sistemi (FED) İdarə heyətinin üzvü Liza Kuk (Lisa Cook) ABŞ Prezidenti Donald Trampın onu vəzifədən kənarlaşdırma təşəbbüsünə qarşı məhkəmə iddiası qaldıracaq.
Kukun vəkili Abbe Louel (Abbe Lowell) açıqlamasında bildirib ki, Trampın Kuku vəzifədən kənarlaşdırma cəhdinin heç bir real və ya hüquqi əsası yoxdur.
Louel qeyd edib ki, bu “qanunsuz” addımı şübhə altına alan bir məhkəmə iddiası açacaqlar: “Prezident Trampın FED İdarə Heyətinin üzvü Liza Kuku vəzifədən kənarlaşdırmaq səlahiyyəti yoxdur”.
Dünən Prezident Tramp, FED İdarə Heyətinin üzvü Kuku ipoteka müqavilələrində yanlış bəyanatlar verdiyi iddiası ilə vəzifədən kənarlaşdırdığını açıqlamışdı.
Tramp sosial şəbəkə hesabında Kuka yazdığı məktubu paylaşaraq FED qanununun ona verdiyi səlahiyyətlərə istinad edib: “FED İdarə Heyəti üzvlüyü vəzifəsindən dərhal azad olunursunuz”.
Tramp əlavə edib ki, həmin qanun onun səlahiyyətinə əsaslanaraq, “əsaslı səbəb” olduqda idarə heyətinin üzvünün vəzifədən kənarlaşdırılmasına imkan verir və Kukun vəzifədən azad olunması üçün kifayət qədər səbəb olduğunu iddia edib.
Kuk isə açıqlamasında, “Prezident Tramp, qanunda heç bir səbəb olmamasına və bunu etməyə səlahiyyəti olmamasına baxmayaraq, məni ‘əsaslı səbəb’ iddiası ilə vəzifədən kənarlaşdırdığını irəli sürdü. Mən istefa etməyəcəyəm. 2022-ci ildən bəri olduğu kimi, Amerikanın iqtisadiyyatına yardım etmək üçün vəzifələrimi yerinə yetirməyə davam edəcəyəm”, – deyib.
çap et