2025-ci ilin ilk yarısında Frankfurtda 5,27 milyon gecələmə qeydə alınıb. Yerli turistlərin sayı rekord səviyyəyə çatarkən, xarici ziyarətçilərin sayı azalıb.
Frankfurt Turizm və Konqres Şirkəti (TCF) məlumatına görə, gecələmələrin sayı yalnız 1%, ziyarətçi sayı isə 1,2% ötən ilin rekordu ilə müqayisədə azdır. Bu statistika bütün zamanların ikinci ən yaxşı yarımillik göstəricisi olaraq qeydə alınıb.
2025-ci ilin ilk altı ayında Almaniyadan gələn ziyarətçilərin sayı 1,98 milyonu aşaraq yeni rekord müəyyən edib. Bu qonaqlar tərəfindən edilən 3,25 milyon gecələmə isə ayrıca bir rekorddur.
Xarici turistlər üçün isə vəziyyət fərqlidir. TCF bu azalmaları əsasən 2024-cü ildə keçirilmiş və xarici turistlərin böyük marağına səbəb olan Avropa Futbol Çempionatının bu il təkrar olunmamasına bağlayır. Bundan əlavə, beynəlxalq böhranlar, artan səyahət xərcləri və azalan istehlakçı etimadı ABŞ və Çin kimi əsas turizm bazarlarından gələn ziyarətçilərin sayının azalmasına səbəb olub.
TCF məlumatına görə, Frankfurtda iyun ayı etibarilə 282 hotel fəaliyyət göstərir. Bu, ötən ilin eyni dövrü ilə müqayisədə cüzi (3 ədəd) azdır. Ümumi yataq tutumu 64.546-ya düşüb. Otaqların 66%-i doluluqla istifadə olunub. “Christie & Co” hotel bazarı üzrə ekspertlərin fikrincə, Frankfurt hotel bazarı bərpa prosesindədir. Otaq qiymətləri və doluluq 2024-cü ildə artım göstərsə də, sektor hələ də güclü rəqabətlə üzləşir.
Yeni otel layihələri əsasən lüks seqmenti genişləndirir. “Four” yüksək binasında 155 otaqlı Kimpton hoteli açılıb. Noyabr ayında 147 otaqlı “The Florentin” lüks hoteli, köhnə “Villa Kennedy” binasında xidmətə başlayacaq. “Kennedy 89” adlı 180 otaqlı “Hyatt Unbound” hoteli isə 11 yanvardan etibarən rezervasiya qəbul edəcək. Eyni zamanda, köhnə “Hessischer Hof” binası Hindistan zənciri Taj tərəfindən “Grandhotel”ə çevrilir.
çap et