İngiltərənin Lids Universitetindən alimlər tropik bölgələrdəki meşəsizləşdirmənin insan sağlamlığına təsirlərini araşdırıblar. Tədqiqat nəticəsində məlum olub ki, hər il meşəsizləşmə səbəbindən təxminən 28 min insan həyatını itirir.
Alimlərin araşdırdığı sahələr arasında Amazon, Konqo və Cənub-Şərqi Asiya yağış meşələri yer alır. Bu bölgələrdə meşəsizləşdirmə yağış miqdarını azaldır, temperaturu yüksəldir və kölgəli sahələri daraldır.
2001–2020-ci illər arasında tropik meşələrin itirilməsi səbəbindən 345 milyon insanın həddindən artıq istiyə məruz qaldığı və bunun nəticəsində ildə 28 min insanın temperaturla əlaqəli səbəblərdən öldüyü müəyyən edilib.
İsti temperaturla bağlı ölüm hallarının ən yüksək olduğu bölgə Cənub-Şərqi Asiya, sonra isə Afrika və Amerikanın tropik bölgələridir.
Araşdırmanın nəticələri “Nature Climate Change” jurnalında yayımlanıb.
çap et