ABŞ Prezidenti Donald Tramp, Demokrat Partiyasının önəmli donorlarından biri olan Corc Sorosu ABŞ-da şiddətli etirazları dəstəkləməkdə ittiham edib və milyarder ilə oğlunun haraç toplamaqla ittiham olunmasını istəyib.
Tramp, 95 yaşlı milyarder Corc Sorosu və onun oğlunu xərac toplamaqla ittiham edərək təhdid edib.
ABŞ Prezidenti dünən sosial media platforması “Truth Social” üzərindən paylaşımında, “Corc Soros və onun radikal solçu oğlu, Birləşmiş Ştatların müxtəlif bölgələrində baş verən şiddətli etirazlara və daha çox şeyə verdikləri dəstək səbəbilə RICO qanunu (Racketeer Influenced and Corrupt Organizations – Reketlərin təsirinə məruz qalmış və korrupsioner təşkilatlar) ilə ittiham olunmalıdır”.
Tramp burada cinayətkar təşkilatlara qarşı istifadə olunan “Racketeer Influenced and Corrupt Organizations” (RICO) qanununa istinad edib. Lakin paylaşımında heç bir sübut təqdim etməyib və Soros-un hər hansı bir istintaq altında olub-olmadığı barədə əlavə məlumat verməyib.
Tramp milyarderi və təşkilatını “radikal solçu psixopatlar” kimi təsvir edib.
Corc Soros kimdir?
Milyarder Corc Soros Açıq Cəmiyyət İnstitutu Fondları vasitəsilə etdiyi çoxsaylı ianələrlə tanınır. O, həmçinin ABŞ-da Demokrat Partiyasının önəmli donorlarından biridir.
Bu, milyarderin ABŞ-da mütəmadi olaraq miqrant böhranı yaratmaqla ittiham edilməsinə qarşı Tramp və tərəfdarlarının reaksiyası ilə ilk qarşılaşması deyil.
“Açıq Toplum Fondları” Prezidentin ittihamlarına cavab verərək iddiaları rədd edib və onları “iyrənc” adlandırıb.
çap et