Ağ Ev sözçüsü Kerolayn Livitt (Karoline Leavitt), ABŞ Prezidenti Donald Trampın, Rusiyanın Ukrayna paytaxtı Kiyevə son hücumlarından məmnun olmadığını bildirərək, “Prezident bu müharibənin sona çatmasını istəyir, lakin bəlkə də bu müharibənin iki tərəfi hələ sona çatdırmağa hazır deyil”, – deyib.
Ağ Ev sözçüsü Livitt, təşkil etdiyi mətbuat brifinqində Rusiya-Ukrayna müharibəsi və Kiyevə edilən son hücumlara dair açıqlamalar verib.
ABŞ-lı sözçü, Rusiyanın Kiyevə son hücumları barədə Trampın fikrini izah edərkən, “Prezident bu xəbərə sevindi deməz, lakin təəccüblənmədi də. Bu iki ölkə çox uzun müddətdir müharibə vəziyyətindədir”, – deyib.
Livitt Rusiyanın Kiyevə son hücumlarından əvvəl Ukraynanın da Rusiyanın neft emalı zavodlarını hədəf aldığını xatırladaraq, “Əslində, avqust boyunca etdikləri hücumlarla Rusiyanın neft emalı zavodlarının 20%-i sıradan çıxarılıb”, – deyib.
Trampın prosesi yaxından izlədiyini vurğulayan Livitt, “Prezident bu müharibənin sona çatmasını istəyir, lakin bəlkə də bu müharibənin iki tərəfi hələ sona çatdırmağa hazır deyil”, – deyib.
Ağ Ev sözçüsü həmçinin qeyd edib ki, ABŞ olaraq istəsələr də, müharibənin sona çatması üçün Rusiya ilə Ukraynanın bir araya gələrək danışıqlar aparması lazımdır: “Prezident müharibənin sona çatmasını istəyir, lakin bu iki ölkənin liderləri də müharibənin sona çatmasını istəməlidir”.
çap et