Bəli, terrorizmə və separatizmə sponsorluq etməyin, Rusiyanın Qarabağdakı iti rolunda çıxış etməyin peşmançılığını yaşayan milyarder Ruben Vardanyan, hər yerdən və hər şeydən əli üzüləndən sonra, indi Bakı həbsxanasında oturub orta məktəb şagirdlərinin dəftərində gecikmiş xatirələrini və məhkəmə qeydlərini yazır.
Bir erməni qızı isə bu fotoşəkilə baxıb çox mütəəssir olub və şəkli sosial şəbəkədə paylaşaraq yazıb ki, “Ruben can, biz səni hökmən gözləyəcəyik” (Мы тебя обязательно дождемся, Рубен джан).
Bir azərbaycanlı oğlan da erməni qızına cavab olaraq götürüb rəy bölümündə yazıb ki, “Ay Ruben, axı, Moskvanı tərk edib separatçılara qoşulmağı səndən kim xahiş etmişdi? Sən Moskvada milyardlarını qazanırdın da. Rusiya səni aldatdı, dedi ki, dur get Qarabağa, ordan da biz Nikol Paşinyanı vəzifəsindən devirməyə kömək edərik, sən də olarsan Ermənistanın ağası. Sən də buna inandın və aldandın. İndi Moskva sənin köməyinə gələ bilmir. Onlar səni xərclənəsi material, qurbanlıq quzu kimi istifadə etdilər. Və yeni variant hazırladılar - Karapetyan. Lakin Rusiya o yazığı da səni aldatdığı kimi aldatdı. Amma Karapetyan İrəvan həbsxanasındadır, sən isə Bakıdasan. Allah üçlüyü sevir, görək Moskva üçüncü dəfə kimi zərbə altında qoyacaq”.
Ruben Vardanyan azərbaycanlı gəncin bu şərhini oxusaydı, heç olmasa, tarixin ən böyük yalançılarından biri olan Putin tərəfindən necə hiyləgərcəsinə aldadıldığını və “peşka” kimi istifadə edildiyini başa düşərdi.
Və bunu da anlayardı ki, o, bu gün öz ailə üzvlərindən başqa heç kimə lazım deyil. Heç Ermənistan hökuməti və adi “obıvatel”lər üçün də onun bu gün Bakı həbsxanasının divarları arasında memuar yazması heç kimin vecinə deyil.
Ola bilsin ki, bu sarsaq milyarder ümid edir ki, Azərbaycan və Ermənistan arasında sülh danışıqları sahəsində ciddi irəliləyişlərin baş verməsi onun da taleyini dəyişəcək, qapısını açacaq. Lakin o, boşuna ümidlənir. Çünki sülh sazişinin Vaşinqtonda paraflanan mətnində separatçıların əfvi nəzərdə tutulmayıb.
çap et