ABŞ Dövlət Departamenti, Ukraynaya təxmini dəyəri 825 milyon dollar olan “Havadan Çatdırılan Sursat” və loqistik dəstək avadanlıqlarını əhatə edən hərbi satışa razılıq verib. Son qərar ABŞ Konqresinə təqdim olunub.
ABŞ Müdafiə Nazirliyinə bağlı Müdafiə Təhlükəsizlik Əməkdaşlığı Agentliyi (DSCA) Ukraynaya silah satışına dair yazılı açıqlama yayıb. Açıqlamada qeyd olunub ki, “Dövlət Departamenti, Ukrayna hökumətinə təxmini dəyəri 825 milyon dollar olan ‘Havadan Çatdırılan Sursat’ və əlaqəli avadanlığın mümkün satışını təsdiqləyən qərar qəbul edib”.
Ukraynanın 3 350 ədəd Uzun Mənzilli Hücum Sursatı (ERAM) raketi və bu sistemlərlə uyğun Qlobal Mövqeləndirmə Sistemləri (GPS) kimi avadanlıqlar tələb etdiyi bildirilib. Satış üçün zəruri rəsmi məlumat ABŞ Konqresinə təqdim olunub.
Açıqlamada həmçinin raket konteynerləri, ehtiyat hissələri, dəstək avadanlıqları, proqram təminatı, texniki sənədlər, təlim və loqistik materialların satışa daxil olduğu qeyd edilib.
Sözügedən satışın bölgədəki “əsas hərbi tarazlığı” dəyişdirməyəcəyi vurğulanıb. Açıqlamada qeyd olunub: “Bu satış, Avropada siyasi sabitlik və iqtisadi inkişafın təminatçısı olan müttəfiqin təhlükəsizliyini artıraraq ABŞ-ın xarici siyasət və milli təhlükəsizlik hədəflərini dəstəkləyəcək”.
çap et