“PepsiCo” mart ayında prebiyotik soda brendi “Poppi”yi təxminən 2 milyard dollara satın alaraq “daha sağlam” məhsul portfelini genişləndirmişdi.
“PepsiCo”, dəyişən istehlakçı seçimlərinə uyğun olaraq enerji içkiləri işini gücləndirmək üçün “Celsius Holdings”dəki payını artırdı. Şirkət, 585 milyon dollarlıq razılaşma ilə “Celsius”un imtiyazlı hissələrinin ((preferred shares) sahibinə əlavə dividentlər və səs hüquqları verən xüsusi səhmlər) 5%-ni aldı. Dönüşüm sonrası “PepsiCo”nun “Celsius”dakı ümumi payı 11%-ə yüksəldi.
“PepsiCo”, 2022-ci ildə “Celsius”a 550 milyon dollar yatıraraq 8,5% pay almışdı.
“Celsius” az kalorili və vitamin əlavə edilmiş içkiləri ilə xüsusilə sağlam həyat və idman həvəskarları arasında güclü bir izləyici kütləsi əldə etmişdi. Xəbər sonrası “Celsius”un səhmləri bu gün səhər əməliyyatlarında təxminən 5% yüksəldi. Səhmlərin dəyəri bu il ərzində iki dəfə artdı.
“PepsiCo” CEO-su Ram Krişnan, “Enerji içkiləri əhəmiyyətli bir böyümə kateqoriyasıdır. “Celsius” ilə etdiyimiz bu addım çox enerji brendi portfelimizi daha güclü hala gətirir”.
Alkoqolsuz içki nəhəngləri son illərdə soda xaricindəki brendlərə yönəlir. “PepsiCo” mart ayında prebiyotik soda brendi “Poppi”yi təxminən 2 milyard dollara satın alaraq 'daha sağlam' məhsul portfelini genişləndirmişdi.
Keçən il “Keurig Dr Pepper”, enerji içkisi istehsalçısı “Ghost”un 60%-lik payını 990 milyon dollara aldı. Bundan başqa “Celsius” bu ilin əvvəlində rəqibi “Alani Nutrition”ı 1,8 milyard dollarlıq razılaşma ilə özünə qatdı.
Yeni razılaşma çərçivəsində “PepsiCo” ABŞ və Kanada bazarlarında “Celsius”, “Alani Nu” və “Rockstar Energy”nin paylanmasını üzərinə götürəcək. Beynəlxalq bazarlarda isə “Rockstar Energy” brendi “PepsiCo”nun nəzarətində qalacaq.
çap et