Portuqaliya Prezidenti Marçelo Rebelo de Sousa, ABŞ Prezidenti Donald Trampı Ukrayna-Rusiya danışıqlarında Rusiyadan yana mövqe tutmaqda ittiham etdi. De Sousa bildirdi ki, Tramp həm Ukraynanı, həm də Avropanı sülh danışıqlarının xaricində saxlayır.
Portuqaliya Prezidenti De Sousa universitetdə iştirak etdiyi tədbirdə çıxış edərək ABŞ administrasiyasını Rusiyadan yana siyasət yürütməkdə tənqid edib.
O, ABŞ və Tramp-a işarə edərək, “Dünyanın ən böyük supergücü Rusiyadan yana işləyir”, – deyib.
“Obyektiv baxanda, yeni ABŞ rəhbərliyi strateji baxımdan Rusiya Federasiyasını himayə etdi. Hər gün dəhşətli sanksiya hədələri gəlir. Rusiyaya qarşı hər hansı bir ABŞ sanksiyası varmı? Yox”.
Prezident De Sousa, Ukrayna-Rusiya danışıqlarında Trampın müttəfiq statusundan çıxdığını və özünü münaqişənin hakimi mövqeyinə gətirdiyini iddia edib.
O, həmçinin Trampın mümkün sülh müqaviləsi üçün aparılan görüşlərdən həm Ukraynanı, həm də Avropanı kənarda qoymasına sərt reaksiya göstərdi.
Əvvəllər də Trampa tənqidlər edən De Sousa, onu demokratiyadan diktatorluğa doğru sürüklənmək və Rusiyanı himayə etməkdə ittiham etmişdi.
çap et