İstanbul Sabiha Gökçən Hava Limanından həyata keçirilən səfərini tamamlayan təyyarə park yerinə çatmadan bəzi sərnişinlər ayağa qalxıb. Stüardessanın xəbərdarlıqlarına məhəl qoymayan və narazılıq yaradan sərnişinlərə polis tərəfindən qayda pozuntusu proseduru tətbiq edildi.
“Pegasus Hava Yolları”nın Sofya-İstanbul uçuşunu həyata keçirən təyyarə dünən axşam saatlarında İstanbul Sabiha Gökçen Havalimanına eniş etdi.
Məlumata görə, təyyarə park yerinə irəliləyərkən bəzi sərnişinlər ayağa qalxıb.
Stüardessanın və anonsların xəbərdarlıqlarına məhəl qoymayan bu sərnişinlər öz yerlərinə oturmayıb və narazılıq yaratmağa başlayıblar. Bunun üzərinə pilot təyyarəyə polis çağırıb.
Təyyarə park yerinə çatdıqdan sonra polis əməkdaşları ayaqda duran sərnişinlərə qayda pozuntusu proseduru tətbiq etdi. Hər bir sərnişinə 2.603 TL (107 manat) miqdarında cərimə kəsildi.
Vətəndaş nəqliyyat Baş İdarəsi (SHGM) uçuş təhlükəsizliyini artırmaq məqsədilə yeni addım ataraq, eniş sonrası qaydalara əməl etməyən sərnişinlərə qarşı tədbirləri aktivləşdirmişdi.
2 may 2025-ci il tarixində yayımlanan “Sərnişin anonsları qaydaları”na əsasən, təyyarə tam dayanmadan və təhlükəsizlik kəməri işıq siqnalı sönmədən ayağa qalxan sərnişinlərə inzibati cərimə tətbiq olunacaq.
çap et