ABŞ Maliyyə Nazirliyinin açıqlamasına görə, Xarici Aktivlərə Nəzarət İdarəsi (OFAC) İran neftinin qaçaqmalçılığı ilə məşğul olan gəmiçilik və nəqliyyat şəbəkəsinə qarşı sanksiya tətbiq edib.
Bildirilib ki, həmin şəbəkə İran neftini İraq nefti ilə gizli şəkildə qarışdıraraq yalnız İraq mənşəli kimi satışa çıxarıb və bu üsulla sanksiyalardan yayınmağa çalışıb.
Nazirliyin açıqlamasında qeyd olunub ki, bu fəaliyyət həm şəbəkənin rəhbəri – İraq və Sent-Kits və Nevis vətəndaşlığına malik iş adamı Valid əl-Samarra üçün, həm də İran üçün yüz milyonlarla dollarlıq gəlir yaradıb.
ABŞ Maliyyə naziri Skott Bessent məsələ ilə bağlı açıqlamasında, İraqın “terrorçular üçün təhlükəsiz liman” olmaması gərəkdiyini vurğulayıb. O, ABŞ-ın İranda təsirin qarşısını almaq üçün çalışdığını qeyd edib.
Bessent əlavə edib ki, İranın neft gəlirlərini hədəfə almaqla, onun ABŞ və müttəfiqlərinə qarşı hücum qabiliyyətini zəiflətməyə çalışırlar: “Biz İrandan asılı olmayan neft təchizatına sadiqliyimizi davam etdiririk və Tehranın ABŞ sanksiyalarından yayınmaq cəhdlərinin qarşısını almaq üçün səylərimizi gücləndirəcəyik”.
çap et