Rusiya Federal Hərbi və Texniki Əməkdaşlıq İdarəsinin rəhbəri Dmitri Şuqayev, Hindistanla “S-400” hava hücumundan müdafiə sistemlərinin əlavə satışını müzakirə etdiklərini açıqlayıb.
Rusiyanın TASS agentliyi Şuqayevin bəyanatına istinadən xəbər verir ki, Hindistan artıq “S-400” sistemlərinə sahib ölkələr arasında yer alır: “Bu sahədə əməkdaşlığımızı genişləndirmək üçün imkan var. Bu da yeni satış deməkdir. Hazırda məsələ müzakirə mərhələsindədir”.
Hindistan Müdafiə Nazirliyi isə iyunun 27-də bildirmişdi ki, Rusiya rəsmiləri ilə “S-400” satışı ilə yanaşı “Su-30” tipli qırıcıların tədarükü də müzakirə olunur.
Rusiya, Hindistanla aparılan geniş danışıqlar nəticəsində əldə olunmuş müqavilə çərçivəsində ilk “S-400” partiyasının göndərilməsinə 2021-ci ildə başlamışdı.
çap et