“Volkswagen” orta müddətli dövrdə bu seqmentdə illik bir neçə yüz min avtomobil satmağı hədəfləyərək gələn il bir sıra kiçik elektrikli avtomobilləri bazara çıxarmağı planlaşdırır.
Alman avtomobil qrupu bazar ertəsi günü açıqladı ki, böyüyən kiçik elektrikli avtomobil seqmentində 20% bazar payı əldə etməyi hədəfləyir.
Elektrikli şəhər avtomobili ailəsi 2026-cı ildə dörd model ilə təqdim ediləcək. Bunların ikisi “Volkswagen” markasından, biri “Cupra”dan, biri isə “Skoda”dan olacaq.
Hər bir avtomobilin başlanğıc qiyməti təxminən 25.000 avro (29.300 dollar) olacaq.
Bütün avtomobillər eyni əsas platformanı paylaşacaq. Bu platforma sürücü dəstək sistemlərini, proqram təminatını, tam əlaqə xüsusiyyətlərini, daha bahalı modellərdən alınan premium texnologiyaları və “Volkswagen”’in yeni batareya hüceyrəsi texnologiyasını əhatə edir.
Bu texnologiya 450 kilometrə qədər sürüş məsafəsi təmin edir.
“Volkswagen” markası “Polo” adlı “hatchback” modeli və “Cross Concept” adlı SUV təqdim edəcək.
Bununla yanaşı, “Cupra” idman tipli hatchback “Raval”i, “Skoda” isə “Epiq” şəhər SUV-unı bazara çıxaracaq.
çap et