Nəticələr müharibə səviyyəsindədir

"Hər il 560 mindən çox insan sanksiyalar səbəbindən həyatını itirir"

Qlobal Sanksiya Məlumat Bazası (Global Sanctions Database) məlumatlarından istifadə edilərək 1971–2021-ci illər arasında 152 ölkə araşdırılıb.

Alimlər yaş qruplarına görə ölüm nisbətlərini təhlil edərək, sanksiyalardan əvvəl və sonrakı ölüm meyllərini müqayisə ediblər.

BMT, ABŞ və AB-yə fokuslanan araşdırmanın nəticəsində belə bir qənaətə gəlinib:

Bu dövrdə tətbiq olunan tək tərəfli sanksiyaların hər il təxminən 564 258 ölümlə nəticələndiyini proqnozlaşdırırıq. Bu rəqəm, silahlı qarşıdurmalardan yaranan qlobal ölüm səviyyələrinə yaxındır.

Məqalədə qeyd edilir ki, ən çox ölüm halları çox gənc və çox yaşlı insanlarda baş verib.

“Nəticələrimiz göstərir ki, tək tərəfli və iqtisadi sanksiyalar, xüsusilə ABŞ tərəfindən tətbiq edilənlər, ölüm nisbətlərində ciddi artımlara səbəb olur. 5 yaşdan kiçik uşaqlar bundan nisbətən daha çox təsirlənir,” – deyə məqalədə vurğulanır. Bu yaş qrupu ölümlərin 51%-ni təşkil edir.

Məqalədə sanksiyaların ərzaq təhlükəsizliyinə və iqtisadiyyata mənfi təsir göstərərək, xüsusilə kasıb əhali arasında aclıq və sağlamlıq problemlərinə yol açdığı da bildirilir.

Qlobal əməliyyatlarda dollar və avronun dominantlığı AB və ABŞ-a sanksiyaların gücünü artırmaq imkanı yaratdığını göstərir.

Məqaləni işıqlandıran “RT”, Moskva tərəfindən keçirilən keçən ilki BRICS zirvəsində sanksiyalara və dollar hegemonyasına qarşı edilən xəbərdarlıqları xatırladıb.

Keçən həftə keçirilən Şanxay Əməkdaşlıq Təşkilatı (ŞƏT) zirvəsinə ev sahibliyi edən Çin Prezidenti Şi Cinpinq də, “ŞƏT, beynəlxalq bərabərlik və ədaləti dəstəkləyərək, sivilizasiyaların əhatəliliyini və bir-birindən öyrənməsini təşviq edir. Hegemonluğa və güc siyasətinə qarşı effektiv bir qüvvə olmuşdur. Bərabər, nizamlı və çoxqütblü bir dünya, əhatəli və ədalətli iqtisadi qloballaşmanı dəstəkləməli, qlobal idarəetmə sistemini daha ədalətli və balanslı bir struktura gətirməliyik”, – deyib.