“Uber”in tərəfdaşlığı elektrikli hava taksiləri istehsalçısı “Joby Aviation” üzərindən həyata keçirilir. “Joby” və “Uber” 2019-cu ildən şəhərdaxili hava nəqliyyatı sahəsində əməkdaşlıq edir.
Avropanın cənubunda yaxın vaxtlarda “Uber” tətbiqi vasitəsilə helikopterə minmək mümkün ola bilər. Elektrikli hava taksisi startapı “Joby Aviation” çərşənbə günü açıqlama verərək, “Blade Air Mobility” şirkətinə məxsus helikopterlərin gələn ildən etibarən “Uber” tətbiqi vasitəsilə əlçatan olacağını bildirdi.
Şirkət hələlik helikopterlərin hansı marşrutlarda xidmət göstərəcəyini açıqlamayıb. Lakin ötən il Nyu-York bölgəsi və Avropanın cənub şəhərlərində — xüsusən hava limanları da daxil olmaqla — 50 mindən çox sərnişin daşıdığına diqqət çəkib. “Blade”in Avropada önə çıxan marşrutlarından biri Nitsa ilə Monako arasındakı helikopter səfərləridir.
Hələlik “Uber” əməkdaşlığı çərçivəsində hansı marşrutların təqdim olunacağı bəlli deyil.
“Joby Aviation”ın qurucusu və baş direktoru CoBen Bevirt açıqlamasında deyib: “Blade”i ‘Uber’ tətbiqinə inteqrasiya etmək, ‘Uber’ ilə qlobal əməkdaşlığımızda təbii bir növbəti addımdır. Gələcək illərdə səssiz və sıfır emissiyalı hava vasitələrimizi istifadəyə vermək üçün də əsas hazırlayacaq.” Bevirt əlavə edib ki, “Uber”in qlobal platforması və “Blade”in sübut olunmuş şəbəkəsi ilə birlikdə, dünya miqyasında hava nəqliyyatında yeni bir dövrü başlatırıq.
Ötən ay “Joby”, “Blade”in sərnişin daşımaları bölməsini satın alıb. Lakin orqan transplantasiyalarında istifadə olunan tibbi daşımalar bölməsi “Blade”in tərkibində qalmağa davam edir.
“Uber”in tərəfdaşlığı elektrikli hava taksiləri istehsalçısı “Joby Aviation” üzərindən həyata keçirilir. “Joby” və “Uber” 2019-cu ildən şəhərdaxili hava nəqliyyatı sahəsində əməkdaşlıq edir.
“Uber”in prezidenti və əməliyyatlar direktoru (COO) Endryu Makdonald isə deyib: ““Uber”in ilk günlərindən bəri inkişaf etmiş hava nəqliyyatının şəhərlərdə təhlükəsiz, səssiz və davamlı nəqliyyat təmin edəcəyinə inanırıq. “Uber”in qlobal miqyasını “Joby”nin liderliyi ilə birləşdirərək müştərilərimizə səyahətin yeni nəslini təqdim etməkdən məmnunuq”.
çap et