Sentyabrın 11-də Almaniya üzrə həyəcan siqnalları çalacaq, mobil telefonlara xəbərdarlıqlar göndəriləcək. Məqsəd milli həyəcan sisteminin işləkliyini sınamaqdır.
Almaniyada saat 11:00-da ölkə miqyasında geniş bir xəbərdarlıq testi keçiriləcək. Bütün şəhərlərdə həyəcan siqnalları çalacaq, mobil telefonlara fövqəladə vəziyyət mesajları gələcək və ictimai nəqliyyat vasitələri ilə açıq hava ekranlarında məlumat yayılacaq. Bu tədbir, vətəndaşların fövqəladə hallar qarşısında hazırlığını artırmaq və mövcud xəbərdarlıq sistemlərinin effektivliyini yoxlamaq üçün təşkil olunur.
Federal Hökumət, əyalət və bələdiyyə rəsmiləri, siqnallar, mobil telefonlar, radio, televiziya, xəbərdarlıq tətbiqləri və rəqəmsal şəhər panelləri kimi bütün kommunikasiya vasitələrini eyni anda işə salan mərkəzləşdirilmiş bir sistem üzərində çalışır.
Saat 11:00-da “mobillərdə xəbərdarlıq sistemi” vasitəsilə ilk həyəcan siqnalı “NINA” və “Katwarn” kimi tətbiqlərə, radiolara, televiziyalara, mobil telefonlara və ictimai nəqliyyat sistemlərinə göndəriləcək.
Bəzi bölgələrdə yanğın və bələdiyyə həyəcan siqnalları də aktivləşdiriləcək. Küçələrdə səsgücləndiricili avtomobillərlə elanlar veriləcək.
Saat 11:45-də sistemdən “təhlükə keçdi” mənasında ikinci bir mesaj göndəriləcək, lakin “Cell Broadcast” mesajlarında bu bildiriş olmaya bilər.
Bu cür sınaqlar, real fövqəladə hallar və ya hücum vəziyyətlərində vətəndaşların necə və nə qədər sürətlə xəbərdar ediləcəyini ölçmək üçün kritikdir. Eyni zamanda insanlar, gələn xəbərdarlıqların necə işlədiyini təcrübədən keçirərək, nə etməli olduqlarını öyrənə bilirlər.
Rəsmilər, vətəndaş rəylərini nəzərə alaraq sistemdəki boşluqları müəyyən edib, təkmilləşdirmələr edəcəklər.
çap et