ABŞ-ın ticarət xam neft ehtiyatları keçən həftə bazar gözləntilərindən üç dəfə çox artaraq təxminən 3 milyon 900 min barel yüksəldi.
ABŞ Enerji Məlumat İdarəsi (EIA) məlumatına görə, ticarət xam neft ehtiyatları 3 milyon 900 min barel artaraq 424 milyon 600 min barelə çatıb. Bazar gözləntisi yalnız 1 milyon 250 min barel artım olacağı yönündə idi.
Ticarət ehtiyatlarına daxil olmayan strateji xam neft ehtiyatları isə 500 min barel artaraq 405 milyon 200 min barel səviyyəsinə yüksəldi. Bu dövrdə ABŞ-ın benzinin ehtiyatları da təxminən 1 milyon 500 min barel artaraq 220 milyon barel olaraq qeydə alındı.
ABŞ-ın günlük xam neft istehsalı 30 Avqust–5 Sentyabr həftəsində 72 min barel artaraq 13 milyon 495 min barel oldu.
Ölkənin xam neft idxalı keçən həftə əvvəlki həftəyə nisbətən gündəlik 471 min barel azalıb və 6 milyon 27 min barel, xam neft ixracı isə gündəlik 1 milyon 139 min barel azalaraq 2 milyon 745 min barel olub.
EIA-nın bu ilki qısa müddətli enerji hesabatına görə, ABŞ-ın bu il gündəlik orta xam neft istehsalının 13 milyon 440 min barel olması proqnozlaşdırılır.
çap et