Alman Federal Məclisi AfD (Alman üçün Alternatifi) deputatı Maksimilian Krahın toxunulmazlığını qaldırdı. Krah haqqında Rusiya bağlantılı iddialar və casusluq şübhəsi ilə araşdırma aparılır.
Qərar Bundestaqda bütün partiyaların yekdilliyi ilə qəbul edildi. AfD qrupu da dəstəyini verdi. Beləliklə, Krah haqqında çıxarılan axtarış və əl qoyma qərarlarının tətbiqinə yol açıldı. Məclis sədri CDU-lu Yuliya Klökner qərarın partiyalar arasında razılıqla alındığını bildirdi, lakin səlahiyyətlilər axtarış və əl qoyma qərarlarının təfərrüatlarını ictimaiyyətə açıqlamadı.
Maksimilian Krah 2024-cü ilin fevralında Saksoniya vilayətinə bağlı Çemnitzer Umland-Ertsgebirgskreis II seçki dairəsindən birbaşa deputat seçilərək Bundestaqa daxil olmuşdu. Daha əvvəl Avropa Parlamentində fəaliyyət göstərmiş, lakin bəzi açıqlamaları və adı qarışdığı qalmaqallar səbəbindən AfD-nin Avropa Parlament qrupundan çıxarılmışdı.
Krah haqqında, Rusiyadan maddi dəstək aldığı iddiaları var. Özü isə bu ittihamları rədd edir. Bundan əlavə, Avropa Parlamentindəki bir müşaviri Çin adına casusluq şübhəsi ilə həbs olunmuşdu. Dresden Ali Vilayət Məhkəməsində davam edən casusluq işində Krah da şahid kimi ifadə verib və bu fəaliyyətlərdən xəbəri olmadığını bildirib.
çap et