2024-cü ildə Donald Trampa Floridadakı qolf sahəsində sui-qəsd cəhdi ilə ittiham olunan Rayan Rautun məhkəmə iclası bu gün başlandı.
İclasda özünü təmsil edən Raut ABŞ prezidentliyinə sui-qəsd cəhdi etmək, federal məmura hücum və müxtəlif odlu silah qanun pozuntuları ittihamlarını rədd etdi.
12 nəfərdən ibarət jüri üzvləri və dörd ehtiyat üzvdən ibarət heyət dünən ABŞ-ın Florida ştatındakı Fort Pirs federal məhkəməsində and içdi.
ABŞ Bölgə Hakimi Eylin Kannon Rauta jüri üzvlərinə və şahidlərə kürsüdən müraciət etməyə icazə verəcəyini, lakin məhkəmə zalında sərbəst dolaşa bilməyəcəyini bildirdi.
Məhkəmə, prokurorların bir Məxfi Xidmət agentinin Respublikaçı prezident namizədini vurmaq cəhdini önlədiyini açıqlamasından təxminən bir il sonra başlandı.
Prokurorlar 59 yaşlı Rautun 15 sentyabr 2024-cü il tarixində “West Palm Beach”dəki qolf klubunda tüfənglə kolluqlar arasından atəş açmazdan əvvəl həftələrlə Trampı öldürməyi planladığını söylədi.
Bir Məxfi Xidmət agenti Rautu Trampın görüş sahəsinə daxil olmazdan əvvəl fərq etdi. Rəsmi orqanlar bildiriblər ki, Raut silahını buraxaraq atəş açmadan qaçıb.
Raut son illərdə Havaya köçmüş, Şimali Karolinalı inşaat işçisi idi. Şahidlərin ifadəsinə görə, özünü muzdlu əsgər lideri elan edən Raut dünyanın müxtəlif yerlərindəki münaqişələrə qatılmaq üçün təhlükəli və bəzən də zorakı planlarından danışırdı.
Ukraynada savaşın ilk günlərində Raut Əfqanıstan, Moldova və Tayvandan əsgərləri Ukrayna ordusuna göndərə biləcəyini iddia edərək Rusiyaya qarşı savaşmaları üçün cəhd göstərmiş, bu plan isə Ukrayna hakimiyyəti və ordusu tərəfindən əsassız və “fırıldaq” kimi rədd edilmişdi.
Onun vətəni Qrinsboroda 2002-ci ildə bir yol patrulundan qaçdığı, tam avtomatik tüfəng və 25 santimetrlik fitilli partlayıcı daşıdığı ortaya çıxmışdı. Bu, polis tərəfindən “kütləvi dağıdıcı silah” hesab edilən bir hadisə idi və Raut həmin vaxt həbs edilmişdi.
Sui-qəsd cəhdi
Rautun qarşısı alınmış sui-qəsd planından yalnız doqquz həftə əvvəl, Tramp Pensilvaniyada seçki kampaniyası apararkən başqa bir sui-qəsd cəhdindən xilas olmuşdu.
Bu silahlı şəxs, Məxfi Xidmətin snayperi tərəfindən vurulmadan əvvəl səkkiz dəfə atəş açmış, bir güllə Trampın qulağını sıyırmışdı.
ABŞ Bölgə Hakimi Eylin Kannon, Tramp tərəfindən Mar-a-Lago malikanəsində gizli sənədləri qanunsuz saxlamaq ittihamı ilə açılmış cinayət işi ilə məşhurlaşmış bir hakimdir.
Məhkəmə, aylardır yığılan ərizələr səbəbindən gecikmişdi.
Rautun məhkəməsinin iki-üç həftə davam etməsi gözlənilir. Davanın başlanması, polis çərşənbə günü Yutadakı düşərgədə sağçı aktivist Çarli Kirki öldürən və bəzi deputatların “siyasi sui-qəsd” adlandırdığı silahlı hücumçunun axtarışının davam etdiyi bir dövrə təsadüf edir.
çap et