Albaniyada süni intellekt əsaslı bir nazir kabinetə daxil oldu. Albaniya Baş Naziri Rama, süni intellekt dəstəyi olan “Diella”nı Dövlət Tenderlərindən Məsul Nazir vəzifəsinə təyin etdi.
Baş Nazir Rama dünən açıqlamasında bildirib: "Fiziki olaraq mövcud olmayan, lakin süni intellekt tərəfindən virtual şəkildə yaradılmış ilk kabinet üzvü olan Diella, Albaniyaya dövlət tenderlərini 100% korrupsiyadan azad etməkdə yardım edəcək".
Tiran şəhərində hakim Sosialist Partiyasının konfransında dördüncü hökumətin kabinetini açıqlayan Rama, “Diella”nın e-Albaniya portalında ənənəvi Albaniya geyimində “dövlət tenderlərinin xidmətçisi” olacağını söyləyib.
Albaniya dilində Günəş mənasını verən “Diella”, yanvar ayından bəri dövlətin e-Albaniya portalı vasitəsilə istifadəçilərə məsləhət xidməti göstərirdi. “Diella”, vətəndaşların xidmətlərin təxminən 95%-inə rəqəmsal şəkildə daxil ola bilmələri üçün yerinə yetirməli olduqları bütün bürokratik prosedurlarda səsli komandalarla yardım edirdi.
çap et