Qızıl, 0,2% azalaraq bir unsiya üçün 3.635,66 dollara geriləyib və rekord səviyyələrə yaxın ticarət olunur.
İnvestorlar bu həftə ABŞ Mərkəzi Bankının (FED) pul siyasətində gözlənilən yumşalmaya hazırlaşarkən, ilin sonuna qədər daha çox faiz endirimi üçün işarələr axtarır.
Qızıl dörd həftə ardıcıl yüksəldikdən sonra bir unsiya üçün təxminən 3.640 dollar səviyyəsində ticarət olunub. İnvestorlar məşğulluq bazarındakı zəiflik göstəriciləri və faiz endirimlərinin gələn ilə də uzanma ehtimalı səbəbindən bu həftə dörddəbir faiz nöqtəsi qədər endirim gözləyirlər.
Qızıl bu il təxminən 40% artıb. Davam edən geosiyasi qeyri-müəyyənlik, Trampın gömrük tarifləri gündəmi və mərkəzi bankların kütləvi alışları qiymətləri dəstəkləyib.
Trampın FED üzərində təzyiqi olan qurumun idarə heyəti üzvü Liza Kuku vəzifədən çıxarma cəhdi də narahatlığı artırıb. “Goldman Sachs” bunun qızıla qiymətlərininin 5.000 dollara yaxınlaşma potensialı olduğunu proqnozlaşdırır.
Bakı vaxtilə 08:35-də qızıl 0,2% azalaraq bir unsiya üçün 3.635,66 dollara geriləyib. “Bloomberg” Dollar Spot İndeksi isə sabit qalıb. Gümüş və paladium azalmağa davam edərkən, platin 1.400 dolları keçərək təxminən 10 ilin zirvəsinə yaxınlaşıb.
Eyni zamanda, ABŞ-Çin görüşləri Madriddə ikinci gününə keçib; əsas mövzular ticarət və təhlükəsizlik məsələləri olub. Dünyanın iki böyük iqtisadiyyatı arasındakı ticarət gərginliyində yumşalma qızıl üzərində aşağı yönlü təzyiq yarada bilər.
Asiyada isə Taylandın Kambocaya qızıl ixracında qeyri-adi 19% artım narahatlıq yaradıb. Tayland Sənaye Federasiyası bu artımın səbəbi kimi pul yuyulması şübhəsini irəli sürür.
çap et