ABŞ prezidenti Donald Trampın dərman sektoruna yeni tariflər elan etməsindən sonra qlobal səhmlər bazarlarında dörd gündür davam edən itkilər müşahidə olunur.“Morgan Stanley Capital International” (MSCI) 0,1% enərək son bir ayın ən uzun azalma seriyasını yaşayıb. “MSCI Asia Pacific” səhmləri isə 0,8% geriləyib və itkilərə əsasən dərman şirkətləri rəhbərlik edib.
“S&P 500” fyuçersləri cüzi dəyişiklik göstərib, “Nasdaq 100” fyuçersləri isə 0,1% enib. “S&P 500” indeksi dünən 0,5% itirib, “Bloomberg”in yeddi iri texnologiya şirkətini izləyən “Möhtəşəm Yeddilik” indeksi isə 1% ucuzlaşıb.
“Bloomberg Dollar Index” sabit qalıb. ABŞ-ın 10 illik istiqrazlarının gəlirliliyi 4,17%, Yaponiyanın 10 illik kağızları isə 1,64% səviyyəsində dəyişməz qalıb.
Bu gün Bakı vaxtı ilə saat 16:30-da ABŞ-da avqust ayına dair baza şəxsi istehlak xərcləri (PCE) qiymət indeksi açıqlanacaq. Vaşinqton vaxtı ilə gün ərzində çıxışlar da gözlənilir – Riçmond FED-in rəhbəri Tom Barkin saat 17:00-da, FED-in Nəzarət üzrə sədr müavini Mişel Bouman (Michelle Bowman) isə 21:00-də danışacaq.
çap et