Neft qiymətləri həftəni enişlə başladı. İraqın Türkiyə üzərindən xam neft ixracına yenidən başlaması və OPEC+ ölkələrinin noyabr ayında daha bir hasilat artımı planlaması bazara təzyiq göstərib.
Bu amillər qlobal təklifi artıracağı gözləntilərini gücləndirib.
“Brent” markalı xam neft 31 iyuldan bəri ən yüksək səviyyədən bağlandıqdan sonra bazar ertəsi 0,90% azalaraq 69,50 dollara düşüb. ABŞ xam nefti (WTI) isə 65,07 dollardan alınıb-satılıb.
İraq Neft Nazirliyinin məlumatına görə, 2,5 illik fasilədən sonra sentyabrın 27-də İraq-Türkiyə boru kəməri ilə Ceyhan limanına xam neft axını bərpa olunub.
Mərkəzi hökumətlə bölgədə fəaliyyət göstərən xarici şirkətlər arasında əldə olunan razılaşmaya əsasən, gündəlik 180-190 min barel neft Türkiyəyə göndəriləcək.
çap et