ABŞ Prezidenti Donald Tramp, ağac məhsullarının idxalına yeni gömrük rüsumları gətirən sərəncam imzalayıb. Ağ Ev tərəfindən yayılan sənədə görə, ABŞ Ticarət Nazirliyinin araşdırması nəticəsində xam və işlənmiş taxta məhsullarının idxalının ölkənin milli təhlükəsizliyinə təhdid yaratdığı müəyyən edilib.
Bu çərçivədə xam və emal olunmuş taxta idxalına 10% gömrük vergisi tətbiq olunacaq.
Bəzi döşəməli taxta məhsullarına 25% tarif qoyulacaq, 1 yanvar 2026-dan etibarən isə bu göstərici 30%-ə yüksələcək.
Mətbəx və vanna otağı dolablarına tətbiq ediləcək 25%-lik gömrük rüsumu da 2026-cı ildən 50%-ə qaldırılacaq.
Yeni tariflər 14 oktyabr tarixindən qüvvəyə minəcək.
Bununla belə, ABŞ-la ticarət sazişi olan böyük iqtisadiyyatlara daha aşağı tariflər tətbiq ediləcək. Böyük Britaniyadan gətirilən taxta məhsullarına rüsum 10%-i, Avropa Birliyi və Yaponiyadan idxal olunan məhsullara isə 15%-i keçməyəcək.
çap et