Dünya mərkəzində səthdən təxminən 3 min km dərinlikdə yerləşən nüvə, planetimizin manyetik sahəsini yaradır. Bu görünməz qalxan Günəşdən gələn yüklü hissəcikləri və kosmik radiasiyanı yayındıraraq həyat üçün qoruyucu rol oynayır. Lakin alimlərə görə, bu qoruyucu sahə xüsusilə Güney Atlantikdə sürətlə zəifləyir.
Vaxt.AZ xəbər verir ki, “Cənubi Atlantik Anomaliyası” (SAA) süni peyklər üçün yüksək radiasiya səviyyələri yaradır. GPS, rabitə və hava proqnozu peykləri bu zonadan keçərkən elektron sistemlər zədələnir və ya risk ilə üzləşirlər. NASA məlumatına görə, SAA Dünya nüvəsindəki ərimiş dəmir və nikelin qeyri-bərabər hərəkətləri nəticəsində yaranır və planetin manyetik oxunun meyliylə güclənir.
Afrika altındakı zəif sahələr qərbə doğru, Atlantik ortasındakı bölgələr isə şərqə hərəkət edir. Bu, SAA-nı sabit deyil, genişlənən bir zonaya çevirir. ESA-nın “Swarm” peykləri 2013-cü ildən bəri bu manyetik sahəni izləyir və nüvədən ionosferə qədər məlumatları təhlil edir.
Alimlər bildirir ki, yerüstündə insanlar birbaşa təhlükədə deyil. Lakin astronavtlar, yüksək uçuşlar və peyklər üçün risk getdikcə artır. Zəifləyən bu qalxan dünya manyetik sahəsindəki həssas tarazlığın pozulmağa başladığını və texnoloji sistemlər üçün gələcəkdə ciddi risk yarada biləcəyini göstərir.
çap et