Almaniyada mənzillərə yönəlmiş oğurluq hallarına dair yeni polis statistikaları yayımlanıb. Məlumatlara görə, Berlin yenidən ən çox ev soyğunlarının baş verdiyi şəhər olub.Paytaxtda keçən il ümumilikdə 8 529 oğurluq faktı qeydə alınıb. Berlinin ardınca Köln (3 039), Hamburq (3 008), Essen (1 573) və Düsseldorf (1 428) gəlir.
Bəzi şəhərlərdə isə ev oğurluğu nisbəti olduqca aşağıdır. Məsələn, Inqolştatda yalnız 26, Fürtdə 34, Erlangendə isə 39 hadisə qeyd olunub.
Lakin ümumi saylardan əlavə, əhalinin sayı nəzərə alınaraq aparılan qiymətləndirmələr də diqqət çəkir. Bu baxımdan, Mülheim an der Ruhr, Bremerhaven və Köln, hər bir nəfərə düşən oğurluq hadisələrinin sayına görə ən riskli şəhərlər sırasında yer alır.
Ekspertlər bildirir ki, şəhərin ölçüsü və sosial-iqtisadi strukturu ilə yanaşı, təhlükəsizlik sistemlərinin yetərsizliyi və qonşular arasında əlaqələrin zəifliyi də oğurluq nisbətlərinə təsir göstərir.
Xüsusilə böyük şəhərlərdə siqnalizasiya sistemləri, təhlükəsizlik kameraları və yaxşı işıqlandırılmış ətraf mühitin təmin edilməsi kimi tədbirlər tövsiyə olunur.
çap et