Nyu-York bazarında “Arabica” qəhvəsinin fyuçersləri ABŞ tariflərinin təklifə dair narahatlıqları yenidən canlandırması və bunun supermarketlərdə və kafelərdə bahalanma riski ilə qiymət artımı yenidən rekord səviyyəyə çatdı.
Vaxt.AZ xəbər verir ki, “Starbucks” kimi qəhvə zəncirlərinin üstünlük verdiyi “Arabica” növünün qiymətləri 3,4%-dək qalxaraq funtu (təxminən 454 qram) 4,35 dollara çatdı və rekord qırdı. “Arabica” fyuçersləri fevral ayında ən böyük istehsalçı olan Braziliyadakı qeyri-sabit hava şəraitindən təsirlənəcəyi ilə bağlı narahatlıqların artması nəticəsində funtu 4,30 dollara qədər yüksələrək əvvəlki rekordu keçmişdi.
Bu vəziyyət xüsusilə ABŞ üçün əhəmiyyətli ola bilər. Çünki ABŞ-ın qəhvə şirkətləri, Trampın ölkəyə tətbiq etdiyi yüksək gömrük rüsumlarının avqust ayında qüvvəyə minməsindən sonra Braziliyalı şirkətlərlə yeni müqavilələri təxirə salır.
çap et