“İrəvan Rəqəmsal Arxivlərdə” layihəsi çərçivəsində hazırlanmış “Qədim Azərbaycan şəhəri İrəvan: tarixi və mədəni irsi” kitabının təqdimatı keçirildi. Layihə İnkişafa Doğru İnteqrasiya İctimai Birliyi tərəfindən icra olunur və Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir. Təqdimat Maliyyə-İqtisad Kollecində baş tutub.
Tədbir kitabın həmmüəllifi Firüzə İskəndərovanın çıxışı ilə açılıb. O, nəşrin hazırlanma prosesi, tədqiqatın əsas istiqamətləri və İrəvanın qədim Azərbaycan şəhəri kimi tarixi-mədəni irsini əks etdirən faktların sistemləşdirilməsi barədə ətraflı təqdimat edib.
Təqdimatda tarix müəllimi Türanə Hüseynova, tarix üzrə fəlsəfə
doktoru Murad Muradov, Qərbi Azərbaycan İcmasının əməkdaşı Sakit Valiyev və gənc
iştirakçılar kitab haqqında fikirlərini bölüşərək nəşrin elmi və maarifçilik əhəmiyyətini
vurğulayıblar.
İştirakçılar tərəfindən ünvanlanan suallar cavablandırılıb, kitabın müxtəlif bölmələri üzrə fikir mübadiləsi aparılıb. Tədbirin sonunda həmmüəllif Firüzə İskəndərova tərəfindən iştirakçılara imzalı kitablar hədiyyə edilib.
“İrəvan Rəqəmsal Arxivlərdə” layihəsi İrəvan şəhərinin Azərbaycan tarixi və mədəni kimliyinin arxiv materialları əsasında yenidən araşdırılması, rəqəmsal mühitdə toplanması və geniş ictimaiyyətə təqdim olunmasını hədəfləyir.
çap et