Bakı Metropolitenin qatarları iyunun 17-dən yay qrafikinə uyğun olaraq hərəkət edir.
Bu barədə «Bakı Metropoliteni» QSC-nin
mətbuat xidmətinin rəhbəri Nəsimi Paşayev məlumat verib.
Onun sözlərinə görə, yay sisteminə keçid sərnişinlərin sıxlığının azalması ilə
əlaqədardır: «Qış vaxtında metropolitendən 700 min sərnişin istifadə edirdi.
Yay fəslində isə istifadə sayı 400-450 minə enib. Buna görə də qatarlar
arasında interval artıb. İndi qatarlar sərnişinlərin sıxlığı nəzərə alınaraq
5-6 dəqiqə qrafiklə hərəkət edir. Günün pik saatlarında isə qatarlar qış
qrafikinə uyğun hərəkət edir. Əvvəl hər saatda 33 qatar cütü hərəkət edirdi,
indi isə bu say 24-ə enib».
çap et