Dünən tanınmış muğam ifaçısı Elnarə Abdullayevanın anasının cümə axşamı mərasimi olub. Mərasimdə Elnarənin sənət yoldaşları, ailə dostları iştirak ediblər. AzNews.az-a daxil olan məlumata görə, yas məclisinin sonunda heç kimin gözləmədiyi halda keçmiş deputat Gülər Əhmədova mərasimə təşrif buyurub.
Bildirilir ki, Əhmədovanın yanında tanınmış bəstəkar-şair Xanım İsmayılqızı da olub. Əslində, şərti azadlığa buraxılmış G.Əhmədovanın kiminsə yas mərasimində iştirak etməsində qeyri-adi nəsə yoxdur. Sadəcə Əhmədova və yaxınları mətbuata açıqlamalarında bildirmişdilər ki, sabiq deputat müalicə alır və heç yerə getmir.
Qeyd edək ki, xanəndənin 78 yaşlı anası Süsən xanım iyunun 9-da dünyasını dəyişib.
çap et