«Onlar məqsədyönlü şəkildə bütün qanunları tapdayaraq, oğlumu orada girov kimi saxlayırlar. Onlar hesab edirlər ki, bu yolla mənə təsir göstərəcək və mən Rusiyaya münasibətimi dəyişəcəyəm. Əlbəttə, onlar boş yerə buna ümid edirlər. Amma yenə də oğluma əziyyət verməyə çalışırlar».Bu sözləri Krım tatarlarının lideri, Ukrayna Ali Radasının üzvü Mustafa Cəmilov «Azadlıq» radiosunun rus bürosuna açıqlamasında söyləyib.
Qeyd edək ki, RF-nin Krım üzrə İstintaq Komitəsinin mətbuat xidmətinin yaydığı məlumata görə, Ukrayna deputatının 32 yaşlı oğlu Xayser Cəmilov qətl törətməkdə və qeyri-qanuni silah satışında şübhəli bilinərək, RF Cinayət Məcəlləsinin 3-cü maddəsi ilə həbsdə saxlanılır. Və bu yaxınlarda məhkəmə qarşısına çıxarılacaq. Xatırladaq ki, bu il mayın 13-də X. Cəmilov Baxçisaraydakı evində tüfənglə ehtiyatsız davrandığından açılan atəş bağda işləyən bir kişini öldürmüş və o həmin vaxt artıq Krımı zəbt etmiş Rusiya polisi tərəfindən həbs edilmişdir.
X.Cəmilovun vəkili Aleksandr Lesnoy hesab edir ki, RF CM-nin 13-cü maddəsinə uyğun olaraq tatar liderinin oğlu Ukrayna vətəndaşı olduğundan ona qarşı Rusiya qanunları tətbiq edilə bilməz. Odur ki, o, Ukrayna qanunları ilə mühakimə edilməlidir.
çap et