Türkiyə müxalifəti prezident seçkilərində İƏT-in sabiq rəhbəri Ekmələddin İhsanoğlunun namizədliyinin irəli sürülməsi ilə öz məğlubiyyətini etiraf edib. Bu sözləri Türkiyə Daxili İşlər Naziri Əfqan Ala bildirib.Hafta.az-ın məlumatına görə, bu barədə bazar ertəsi «Haber 7» telekanalı məlumat verib.
Nazir onu da qeyd edib ki, ölkə müxalifəti reallıqların arxasında gizlənir və elə təəssürat yaranır ki, sanki müxalifət mövcud deyil.
Nazirin sözlərinə görə, bu il keçiriləcək prezident seçkiləri əvvəlki illərdən fərqli olacaq, çünki bu dəfə parlament yox, xalq öz prezidentini seçəcək.
Türkiyədə prezident seçkiləri 2014-cü il avqustun 10-da keçiriləcək.
çap et