Ötən il İtaliyanın güclülər dəstəsi «Seria A»da ikinci yerdə bitirməklə Çempionlar Liqasında oynamaq hüququ qazanan «Roma» növbət mövsüm üçün heyətini daha da gücləndirmək qərarına gəlib. Klub rəhbərliyi transfer siyahısına bir çox adlı-sanlı oyunçuların adlarını daxil edib. Bu siyahıda isə kifayət qədər təcrübəli və mümkün qədər az məsrəfli futbolçular prioritetdirlər.Xatırlatma olaraq edək ki, 1.76 boy, 67 kq. çəkidə olan sol kənar müdafiəçi 1980-ci ildə Londonun Stepney məhəlləsində dünyaya gəlib. Futbol karyerasına da elə london klubu Arsenalın gənclərdən ibarət heyətində (1997-1998) başlayıb. Bir il əsas heyətdə qaldıqdan sonra növbəti ili kirayədə oynayıb və sonra yenidən «topçu»ların heyətinə qayıdıb. 2000-2006-cı ilə qədər isə formasından «bərk yapışıb». 6 il ərzində 156 oyunda forma tərlədən Kol 8 dəfə tor silkələyib ki, bu da hər müdafiəçinin karyerasında rast gəlinən statistika deyil. Elə bu da rusiyalı yəhudi əsilli milyarder Roman Abramoviçin gözündən yayınmayıb. Karyerasının qaymaq dövrünü də digər bir paytaxt klubu «Çelsi»də (2006-2014) keçirən londonlu İngiltərə yığmasında 14 il xidmət göstərib, amma 107 oyunda (63 qələbə, 30 heç-heçə, 14 məğlubiyyət) qol sevinci yaşamayıb.
Karyerasının qürub vaxtında ingilis zadəganlarının maraqlarını ödəməyən qaradərilinin üçüncü transferi Avropanın ən qədim paytaxtlarından birinin elə öz adını daşıyan ünlü klubu «Roma»ya gerçəkləşsə, onda veteran futbolçuya «paytaxtlar kralı» adını vermək olar.
çap et