Krım və Donbas ətrafında baş verən hadisələrlə əlaqədar Avropanın insan haqları üzrə məhkəməsində Ukrayna tərəfindən Rusiyaya qarşı iki iş açılıb. Aktual.az-ın Ukrayna mətbuatına istinadən xəbərinə görə, digər analoji instansiyalara da müraciət olunsa da, məhkəmələr bəzi məqamların Rusiya ilə razılaşdırılmasını vacib biliblər.
Məsələyə toxunan Ukraynanın ədliyyə naziri Pavel Petrenko diqqətə çatdırıb ki, qaldırılan iki məhkəmə işinin birinci hissəsi insan haqları, jurnalistlərə qarşı təzyiqlərə qiymətin verilməsi olsa da, ikinci müraciətlərində dəyən zərərin ödənilməsinin yollarının araşdırılmasıdır. O, əlavə edib ki, ilkin hesablamalar əsasında, Ukraynaya dəyən zərər 1,18 trilyon qrivni (118 miyard dollar) civarında dəyərləndirilib.
Peterenko Rusiyanın Ukraynaya vurduğu zərərin üzərində təfsilatı ilə işlərin getdiyini vurğulayıb. Bundan başqa, Rusiyanın terrorçulara hər cür dəstəyi, silahlarla təchizat, separatçı meyllərin artmasına rəvac verməsi, detalları ilə göstəriləcək.
Ədliyyə naziri bildirib ki, beynəlxalq qurumlar, ələlxüsus da ATƏT və BMT, habelə bəlli konvensiyaların tələbləri Ukraynanın haqlı olduğunu təsdiqlədiyindən Rusiyanın dəyən zərərin ödənilməsinə məcbur edəcəklər.
çap et