Vaxt.Az
“Həmsədrlərin təklifini dəstəkləyirik”
Minsk Qrupunda dəyişiklik olacaq
“Həmsədrlərin Azərbaycan və Ermənistan prezidentlərinin görüşünü təklif etməsini biz də dəstəkləyirik”. Modern.az xəbər verir ki, bunu Azərbaycan xarici işlər naziri Elmar Məmmədyarov Vyana səfəri ilə bağlı jurnalistlərin suallarını cavablandırarkən deyib. Onun sözlərinə görə, həmsədrlərin regiona gəlməsi Vyana görüşündə müzakirə olunub.Nazir qeyd edib ki, ATƏT-in Minsk Qrupuna yeni amerikalı həmsədrin təyin olunması gözlənilir.
“Ancaq həmin şəxs kim olacağı ilə bağlı bizdə məlumat yoxdur”.
Elmar Məmmədyarov bir daha vurğulayıb ki, Ermənistan qoşunları işğal olunmuş ərazilərdən çıxarılmalıdır. "Bununla yanaşı Azərbaycan və Ermənistanın Qarabağ icmaları da təmasda olmalıdır. Bununla hər hansı bir sülhə nail olmaq olar".
İranın Dağlıq Qarabağ münaqişənin həllində vasitəçi olmaq niyyəti barədə isə nazir Elmar Məmmədyarov bunları deyib: “Biz münaqişənin çözülməsi üçün vasitəçi olmaq istəyən dövlətlərin təkliflərini alqışlayırıq”.
17.07.2013 
çap et