«Ermənistanda bütün problemlər prezident Serj Sarkisyana görə meydana çıxır». ANS PRESS-in məlumatına görə, bu haqda mətbuat konfransında müxalifətçi siyasətçi, «Milli razılıq» partiyasının lideri Aram Artunyan bildirib.Ermənistanın daxili və xarici siyasəti haqqında danışan Artünyan əmindir ki, Ermənistanın bütün uğursuzluqları yalnız Serj Sarkisyanla bağlıdır.
«Bu gün Ermənistan hakimiyyəti yanlış yoldadır, elə fon yaradırlar ki, sanki hökumət konstitusiya islahatlarından istifadə edərək ciddi qərarlar qəbul edir», - müxalifətçi bildirib.
«Əgər Qaqik Artunyan deyirsə ki, konstitusiya mərkəzində insan olmalıdır, sonda aydınlaşacaq ki, bu insan - Serj Sarkisyandır.Yəni hər şey onun üçün olmalıdır, bircə ona yaxşı olsun», - deyə Artunyan əlavə edib.
Artunyan sonda əlavə edib ki, Serj Sərkisyan hakimiyyətdə olduğu müddətdə müsbət istiqamətdə hansısa dəyişikliklər haqqında fikirləşmək əhəmiyyətsizdir.
çap et