Ukraynanın Kremençuk şəhərinin meri Oleq Babayev iyulun 29-da elə həmin şəhərdə dəfn edilib. Virtualaz.org saytı Ukrayna nəşrlərinə istinadən xəbər verir ki, iyulun 26-da naməlum şəxslər tərəfindən evinin qabağında güllələnərək öldürülən O.Babayevin dəfn mərasimində 50 mindən çox adam iştirak edib.Əslən azərbaycanlı olan O.Babayevin xatirəsini əziz tutan dostları, həmkarları və Kremençuk sakinləri onun məzarı başına yüzlərlə əklil gətiriblər. Ukrayna Ali Radasından, Ukrayna Nazirlər Kabinetindən, Ukrayna Futbol Federasiyasından, Ukrayna Həmkarlar Federasiyasından olan rəsmi şəxslər də «Vorskla» futbol klubunun sahibi olan soydaşımızla vidalaşmağa gələnlər arasında olub. Kiyev şəhərinin meri Vladimir Kliçko isə mərasimə əklil göndərib.
O.Babayev Ukrayna Ali Radasının VI çağırış deputatı olub. O, Kremençuk şəhərinin meri postunda 2010-cu ilin noyabrından çalışırdı.
çap et