«Müsavat Partiyasının başqanı seçkilərinə namizədliyimi gələn həftə irəli sürəcəyimi planlaşdırıram». Bunu AzNews.az-a açıqlamasında Müsavat Partiyasının üzvü, başqanlığa iddialı Qubad İbadoğlu deyib.O bildirib ki, başqanlığa digər iddialı şəxslərin qərarları gözləyir.
«Əgər Arif Hacılı partiyanın Mərkəzi İcra Aparatının rəhbəri vəzifəsindən istefa verməsə namizədliyinizi irəli sürəcəksinizmi?» sualına Q. İbadoğlunun cavabı belə olub: «Onun da mənim də zamanım var. Odur ki, bərabər statuslarla seçkiyə qatılacağımız zamanı gözləyirəm. Bu bərabər hüquqlarla seçki təminatının ən ilkin şərtidir».
Qeyd edək ki, Q. İbadoğlu Müsavat Partiyası başqanlığı uğrunda gedən mübarizəyə görə Divan üzvlüyündən istefa verib.
çap et