Səhiyyə naziri Oqtay Şirəliyev Sumqayıt şəhər 1 saylı xəstəxanada Ağdam, Bərdə, Şəki və Fizuli rayon sakinlərini qəbul edib. Bu barədə nazirliyin saytında məlumat veriilb.Xəbərdə deyilir ki, nazir sakinlərin problemlərini dinləyib və şikayətlərin təmin olunması üçün göstərişlər verib. Görüş zamanı 40-a yaxın müraciət daxil olub. Nazirin tapşırığı ilə bir necə nəfər hepatit komissiyasına göndərilib. Bundan əlavə, müraciət edənlər Elmi-Tədqiqat Travmatologiya və Ortopediya İnstitutuna, Respublika Dəri-Zöhrəvi Dispanserinə, Respublika Klinik Xəstəxanasına, Elmi Cərrahiyyə Mərkəzinə, Milli Onkologiya İnstitutuna, Elmi-Tədqiqat Mamalıq və Ginekologiya İnstitutuna, Səhiyyə Nazirliyin kadr, elm və təhsil şöbəsinə, Respublika Neyrocərrahiyyə Xəstəxanasına göndəriliblər.
Müraciət etmiş sakinlərin bəzilərinə ehtiyac duyduqları dərman preparatları verilib. Görülmüş işlər minnətdarlıqla qarşılanıb.
çap et